خیبر پختونخوا: بنوں میں سکیورٹی فورسز کا آپریشن، پانچ دہشت گرد ہلاک

بنوں (نمائندہ ڈیلی اردو) پاکستان کے شورش زدہ صوبے خیبر پختونخوا کے قبائلی ضلع بنوں میں سکیورٹی فورسز کی کارروائی میں پانچ دہشت گرد ہلاک ہو گئے۔

پولیس کے مطابق تھانہ آحمد زئی کی حدود، علاقے پنگ میں انٹیلی جنس بیسڈ آپریشن کے دوران عسکریت پسندوں کے ٹھکانوں کو نشانہ بنایا گیا۔ کارروائی کے بعد فورسز کا سرچ آپریشن جاری ہے۔

 پولیس موبائل پر حملہ ناکام

ڈومیل مہاجر کیمپ کے قریب پولیس موبائل پر دہشت گردوں کی جانب سے کیا گیا حملہ فوری جوابی کارروائی کے باعث ناکام بنا دیا گیا۔ پولیس ذرائع کے مطابق حملہ آور اچانک فائرنگ کرنے کی کوشش میں ناکام رہے اور پسپا ہو کر فرار ہو گئے، جبکہ پولیس اہلکار اور موبائل محفوظ رہے۔