خیبر پختونخوا: ٹانک میں دہشت گردوں کی فائرنگ، دو ایف سی اہلکار شہید

ڈی آئی خان (توقیر حسین زیدی) خیبر پختونخوا کے ضلع ٹانک میں دہشت گردوں کی فائرنگ سے دو ایف سی اہلکار شہید ہو گئے۔

پولیس ذرائع کے مطابق ٹانک کے مانجی بازار میں دہشتگردوں کی فائرنگ ایف سی کے دو جوان شہید ہو گئے۔

شہید اہلکاروں کی شناخت محسن اور یاسین کے نام سے ہوئی اور دونوں اہلکاروں کو جمعہ نماز کے بعد نشانہ بنایا گیا جبکہ نامعلوم افراد واقعہ کے بعد فرار ہونے میں کامیاب ہوئے۔

ایک ہی دن میں دہشت گردی کا دوسرا واقعہ ہے۔ اس سے قبل پولیس وین پر دستی بم حملے میں 6 ایس ایچ او اور پولیس اہلکاروں سمیت 7 افراد زخمی جبکہ ایک حملہ آور مارا گیا۔

دشت گردی کی مسلسل وارداتوں کے باعث علاقہ میں خوف و ہراس پھیل گیا۔ ضلع بھر میں پولیس اور قانون نافذ کرنے اداروں کو ہائی الرٹ کردیا گیا۔