خیبر پختونخوا: کوہاٹ میں شیعہ رہنما ہلاک

واشنگٹن (ش ح ط) صوبہ خیبر پختونخوا کے ضلع کوہاٹ میں نامعلوم مسلح افراد کی فائرنگ سے ایک شیعہ رہنما ہلاک ہوگیا ہے۔

پولیس کے مطابق اورکزئی قبائل سے تعلق رکھنے والے ایک مقامی اہل تشیع مکتبہ فکر کے رہنما حامد عسکر ترائی کو کوہاٹ کے اولڈ جیل روڈ پر نامعلوم مسلح افراد نے گولیاں مار کر ہلاک کر دیا۔

پولیس حکام کا کہنا تھا ‘ہم واقعے کی تحقیقات کررہے ہیں تاہم یہ ٹارگٹ کلنگ کا واقعہ لگ رہا ہے’۔

انہوں نے کہا کہ یہ دہشت گردی اور فرقہ وارانہ فسادات پھیلانے کی سازش ہے تاہم ایسی کسی بھی کوشش کو کامیاب نہیں ہونے دینگے۔

اس واقعے کے فوری بعد پولیس اہلکاروں کی بڑی تعداد جائے وقوعہ پر پہنچ گئی جبکہ ہلاک ہونے والے شخص کو ہسپتال منتقل کر دیا گیا ہے۔

فائرنگ کی اطلاع ملتے ہیں قانون نافذ کرنے والے اداروں کے اہلکار جائے وقوع پر پہنچے تاہم حملہ آور فرار ہونے میں کامیاب ہوگئے۔