خیبرپختونخوا: بٹگرام میں کس پل چیک پوسٹ پر دہشت گردوں کی فائرنگ، پولیس اہلکار ہلاک

بٹگرام (ڈیلی اردو) خیبرپختونخوا کے ضلع بٹگرام میں کس پل چیک پوسٹ پر دہشت گردوں کی فائرنگ سے پولیس اہلکار ہلاک ہوگیا۔

#Pakistan: An attack on the Kas-Pul checkpost in Battagram district left one policeman dead. https://t.co/dvJwTxTEA4

— ???? (@cozyduke_apt29) April 23, 2024

ڈیلی اردو کے مطابق ڈپٹی سپرنٹنڈنٹ پولیس ساجد نواز خان نے تصدیق کرتے ہوئے بتایا کہ کس پل چوکی پر تعینات پولیس کانسٹیبل امجد حسین شاہ بروز منگل صبح 4 بجے کے قریب ڈیوٹی کے دوران نامعلوم دہشت گردوں کی فائرنگ سے ہلاک ہوگئے.

بٹگرام: تھانہ سٹی کس پل چوکی میں ڈیوٹی پر تعینات کانسٹیبل امجد حسین نامعلوم شرپسندوں کی فائرنگ سے شہادت کے عظیم مرتبے پر فائز ہو گئے. pic.twitter.com/GLMXkXqQI7

— KP Police (@KP_Police1) April 23, 2024

انہوں نے مزید بتایا کہ ان کی میت کو ڈی ایچ کیو ہسپتال بٹگرام منتقل کیا گیا بعد ازاں ان کی میت کو پولیس لائن بٹگرام لایا گیا اور ان کی نماز جنازہ ادا کی گئی۔

ان کا کہنا تھا کہ پولیس کانسٹیبل کا تعلق ضلع ہری پور سے ہے، ان کی میت آبائی علاقے لے جائی جائے گی۔

انہوں نے دعویٰ کیا کہ انہوں نے نامعلوم دہشت گردوں کی تلاش شروع کر دی، ضلع کے داخلی خارجی راستوں پر مسافروں کی اچھی طرح چیکنگ کر نے والے ضلعی پولیس اہلکاروں کے ارد گرد کی سیکیورٹی سخت کر دی گئی ہے ۔

ڈسٹرکٹ پولیس افسر قمر حیات نے بتایا کہ ڈپٹی انسپکٹر جنرل ہزارہ نے ضلع کا دورہ کیا اور شہید پولیس اہلکار کی نماز جنازہ ادا کی۔

واقعے پر تبصرہ کرتے ہوئے انہوں نے کہا کہ وہ اس واقعے کو متعدد زاویوں سے دیکھ رہے ہیں کہ آیا یہ واقعہ دہشت گردوں، شرپسندوں کی جانب سے پیش آیا یا معاملہ ذاتی دشمنی کا ہے۔

ایک سوال کے جواب میں انہوں نے مزید کہا کہ ہم صوبے بھر میں سیکیورٹی کی مجموعی صورتحال کو مسترد نہیں کر سکتے، پولیس چوکس ہے اور کسی بھی چیلنجنگ صورتحال سے نمٹنے کے لیے تیار ہے۔

دوسری طرف کالعدم تحریک طالبان پاکستان نے حملے کی ذمہ داری قبول کرلی۔

ٹی ٹی پی کے حمایت یافتہ سوشل میڈیا اکاؤنٹس نے دعویٰ کیا ہے کہ مجاہدین پولیس اہلکار سے اسلحہ بھی چین کر ساتھ لے گئے ہیں۔