راولپنڈی: بدفعلی سے انکار پر تشدد کا شکار احسن علی ہسپتال میں دم توڑ گیا

راولپنڈی (ڈیلی اردو) صوبہ پنجاب کے ضلع راولپنڈی کے علاقے کوٹلی ستیاں میں بدفعلی سے انکار پر تشدد کا شکار ہونے والا 16 سالہ لڑکا دورانِ علاج دم توڑ گیا۔

پولیس کے مطابق راولپنڈی کے علاقے کوٹی ستیاں میں 16 سالہ احسن علی کو 5 روز قبل ملزمان منصور و دیگر نے بدفعلی سے انکار پر بدترین تشدد کا نشانہ بنایا تھا جس کے بعد اسے انتہائی تشویشناک حالت میں راولپنڈی کے ڈسٹرکٹ ہیڈ کوارٹرز ہسپتال منتقل کیا گیا تھا، جہاں دوران علاج احسن علی دم توڑ گیا۔

پولیس کے مطابق احسن علی کی لاش پوسٹ مارٹم کے بعد ورثاء کے حوالے کر دی جائے گی، ملزمان کے خلاف اقدام قتل کا مقدمہ درج کیا جاچکا ہے اور بعد میں قتل کی دفعات بھی شامل کردی جائیں گی۔