ساہیوال میں سی ٹی ڈی کی کارروائی، ‘زینبیون بریگیڈ’ کا کمانڈر گرفتار

لاہور (بیورو رپورٹ) کاؤنٹر ٹیررازم ڈیپارٹمنٹ (سی ٹی ڈی) نے خفیہ اطلاع پر کارروائی کرتے ہوئے صوبہ پنجاب کے ضلع ساہیوال سے کالعدم تنظیم کے مبینہ کمانڈر کو گرفتار کرلیا۔

ترجمان ساہیوال سی ٹی ڈی کے مطابق دہشت گرد سید مستجاب حسین کوساہیوال بائی پاس سے گرفتارکیا گیا۔ ترجمان کے مطابق دہشت گرد کمانڈر کا تعلق کالعدم تنظیم ‘زینبیون بریگیڈ’ سے ہے۔

ترجمان سی ٹی ڈی کے مطابق ملزم گوجر خان راولپنڈی کا رہائشی ہے، گرفتار دہشت گرد سے ایک آئی ای ڈی، پرائما کارڈ، ایک الیکٹرک سرکٹ، ایک ڈیٹونیٹر اور بیڑی سمیت دیگر بارودی مواد برآمد ہوا۔

ملزم کے قبضہ سے ایک تیار شدہ مشین، دو کلو 54 گرام بارودی مواد بر آمد کر لیا جبکہ ملزم کو مزید تفتیش کےلیے نا معلوم مقام پر منتقل کر دیا گیا۔