سری نگر: بھارتی کشمیر میں پولیس چیک پوسٹ پر فائرنگ، انسپکٹر ہلاک، دوسرا زخمی

سری نگر (ڈیلی اردو) بھارت کے زیر انتظام کشمیر میں سیکیورٹی فورس کی ایک چیک پوسٹ پر نامعلوم مسلح افراد نے حملہ کردیا جس کے نتیجے میں ایک اہلکار ہلاک ہوگیا۔

بھارتی میڈیا کے مطابق مسلح افراد نے ضلع پلوامہ کی ایک چیک پوسٹ پر دھاوا بول دیا۔ مسلح افراد نے اندھادھند فائرنگ کی جس میں دو اہلکار شدید زخمی ہوگئے۔ زخمیوں کو قریبی ہسپتال منتقل کردیا گیا۔

سینٹرل ریزرو پولیس فورس کے ترجمان کی جانب سے جاری بیان میں کہا گیا ہے کہ زخمی سب انسپکٹر ونود کمار کو مردہ حالت میں ہسپتال لایا گیا جب کہ دوسرے زخمی اہلکار کی حالت خطرے سے باہر بتائی جارہی ہے۔

Sh. M.S Bhatia IPS, IG @KOSCRPF & All Ranks of @KOSCRPF salute the #CRPF Braveheart ASI Vinod Kumar who made the supreme sacrifice in line of duty in #Pulwama. We offer deepest condolences to the bereaved family and stand in solidarity with them.#JaiHind@crpfindia @MSBhatiaIPS pic.twitter.com/tOgzswVPLi

— Kashmir Ops Sector, CRPF (@KOSCRPF) July 17, 2022

بھارتی فوج نے واقعے کے بعد حملہ آوروں کی تلاش کے لیے علاقے کا محاصرہ کرکے گھر گھر تلاشی کا عمل شروع کردیا تاہم کوئی گرفتاری عمل میں نہیں لا جاسکی۔

چند روز قبل بھی بھارتی کشمیر میں ہی ایک پولیس چیک پوسٹ پر حملہ کیا گیا تھا جس میں ایک انسکپٹر ہلاک اور دو اہلکار زخمی ہوگئے تھے۔