سعودی عرب نے حزب اللہ کی مبینہ ذیلی تنظیم القرض الحسن کو دہشت گرد قرار دیدیا

ریاض (ڈیلی اردو) سعودی عرب نے حزب اللہ سے تعلق رکھنے والی تنظیم القرض الحسن کو دہشت گرد قرار دے دیا۔

سعودی عرب نے لبنان کی ایک تنظیم القرض الحسن کو دہشت گرد تنظیم قرار دے دیا ہے۔ يہ لبنانی تنظیم شیعہ عسکری و سیاسی گروپ حزب اللہ کی سرگرمیوں کی حامی ہے۔

تُصنّف السعودية جمعية: (القرض الحسن) كيانًا إرهابيًا. pic.twitter.com/tB0ZofHaE9

— رئاسة أمن الدولة (@pss_ar) October 27, 2021

سعودی نیوز ایجنسی کے مطابق القرض الحسن رقوم جمع کر کے حزب اللہ کی مالی معاونت کا سلسلہ جاری رکھے ہوئے ہے۔

سعودی حکومت کے بیان میں واضح کیا گیا کہ اس تنظیم کے سعودی عرب میں تمام اثاثے منجمد کرنے کے احکامات جاری کر دیے گئے ہیں اور کسی بھی طریقے سے اس تنظیم کے ساتھ لین دین ممنوع ہے۔

سعودی عرب کے ادارۂ اسٹیٹ سیکیورٹی کے مطابق سعودی عرب میں حزب اللّہ کی مبینہ ذیلی تنظیم القرض الحسن ایسوسی ایشن کے اثاثے منجمد کیئے جائیں گے۔

Saudi Arabia designates "ALQARD ALHASAN ASSOCIATION" as a terrorist entity. pic.twitter.com/aXsiipBSEP

— The Presidency of State Security (@pss_en) October 27, 2021

خیال رہے کہ رواں برس مئی میں امریکا نے اقوام عالم کو ایران نواز لبنانی عسکری گروپ حزب اللہ کے خلاف اقدامات اٹھانے کا کہا تھا۔