شانگلہ میں وزیراعظم کے مشیر امیرمقام کے قافلے پر فائرنگ، ٹی ٹی پی نے حملے کی ذمہ داری قبول کرلی

شانگلہ (نمائندہ ڈیلی اردو) وزیر اعظم شہباز شریف کے مشیر اور مسلم لیگ (ن) کے رہنما امیر مقام کے قافلے پر دہشت گردوں نے فائرنگ کردی تاہم کوئی جانی نقصان نہیں ہوا۔

نمائندہ ڈیلی اردو کے مطابق پاکستان مسلم لیگ (ن) کے سینئر رہنما امیر مقام کے قافلے پر مارتونگ کے مقام پر دہشت گردوں کی جانب سے فائرنگ کی گئی، حملے میں وہ محفوظ رہے تاہم ان کے گارڈز کی جوابی فائرنگ سے مسلح دہشت گرد فرار ہونے میں کامیاب ہو گئے۔

وزیر اعظم کے مشیر امیر مقام پر حملہ مارتونگ میں نادرا آفس کے افتتاح اور جلسے کیلئے جاتے ہوئے کیا گیا، 2014 میں بھی اسی مقام پر حملے کی کوشش کی گئی تھی، پولیس نے واقعے کے بعد علاقے میں سرچ آپریشن شروع کر دیا ہے۔

آر پی او ملاکنڈ ناصرمحمود ستی کا کہنا ہے کہ فائرنگ میں کوئی جانی نقصان نہیں ہوا۔ امیر مقام دورہ مکمل کرکے چلے گئے جبکہ سیکیورٹی اہلکاروں نے علاقے میں سرچ آپریشن شروع کردیا۔

ادھر وزیراعظم پاکستان میاں محمد شہباز شریف نے امیرمقام پر دہشت گردوں کے قاتلانہ حملے کی شدید مذمت کی ہے، شکر ہے انجینئر امیر مقام حملے میں محفوظ رہے، وزیراعظم نے امیر مقام سے رابطہ کیا، خیریت دریافت کی اور یکجہتی کا اظہار کیا۔ وزیراعظم کا کوئی جانی نقصان نہ ہونے پر بھی اظہار تشکر کیا۔

دوسری جانب کالعدم تنظیم تحریک طالبان پاکستان نے امیرمقام پر شانگلہ میں ہونے والے حملے کی ذمہ داری قبول کر لی۔

TTP claims responsibility for the attempted attack targeting political leader Amir Maqam (affiliated with PML-N) in KP province. The attack failed but TTP claimed responsibility and said the IED could not explode due to malfunction but there was a clash with police. #Pakistan https://t.co/6CVKUggGTh

— FJ (@Natsecjeff) June 24, 2023

ان کی جانب سے ذمہ داری لینے کا یہ بیان خود ان کے اس برس مارچ میں جاری بیان کے ساتھ تضاد رکھتا ہے کہ جس میں انہوں نے سیاسی جماعتوں کو ہدف نا بنانے کا عندیہ ظاہر کیا تھا۔

TTP's Ex-Spokesman:
"The attack on Amir Muqam shows the irresponsibility of the TTP's leadership as they had declared not to target political people, thus attacking them with lies& deception will affect TTP's credibility. No moral justification can be provided for this attack … https://t.co/qyeHGYXa0r pic.twitter.com/ccPjhSeqym

— Afghan Analyst (@AfghanAnalyst2) June 24, 2023