شمالی وزیرستان: سپین وام میں بارودی سرنگ کا دھماکا، 3 اہلکار زخمی

میران شاہ (نمائندہ ڈیلی اردو) خیبرپختونخوا کے قبائلی ضلع شمالی وزیرستان میں بارودی سرنگ کے دھماکے میں تین سیکیورٹی اہلکار زخمی ہوگئے۔

#Pakistan: 3 personnel of the Bomb Disposal Squad have been injured in an IED blast in Spinwam, North Waziristan district. https://t.co/gtowYgaMDd

— ???? (@cozyduke_apt29) June 12, 2023

سرکاری ذرائع کے مطابق شمالی وزیرستان میں سیکیورٹی فورسز کی گاڑی گشت پر مامور تھی کہ علاقہ سپین وام میں سڑک کنارے نصب بارودی سرنگ کے دھماکے کا نشانہ بن گئی۔ دھماکے کے نتیجے میں تین سیکیورٹی اہلکار زخمی ہوگئے۔

زخمی اہلکاروں کو طبی امداد کیلئے ہسپتال منتقل کردیا گیا ہے۔ سیکیورٹی فورسز نے دھماکے کی جگہ کو گھیرے میں لے کر سرچ آپریشن شروع کردیا۔