شمالی وزیرستان میں خودکش دھماکا، ایک فوجی سمیت 3 افراد ہلاک

میرانشاہ (ڈیلی اردو) صوبہ خیبر پختونخوا کے قبائلی ضلع شمالی وزیرستان میں میں خودکش دھماکے میں تین افراد ہلاک ہوئے ہیں جن میں ایک فوجی اہلکار بھی شامل ہے۔

https://twitter.com/ShabbirTuri/status/1604746130717171712?t=t0j-NB0sErmOoq_q3rtCUA&s=19

پاکستانی فوج کے شعبہ تعلقاتِ عامہ (آئی ایس پی آر) کے جاری کردہ بیان کے مطابق شمالی وزیرستان کے علاقے میران شاہ میں دھماکہ ہوا ہے۔

شمالی وزیرستان کی تحصیل رزمک بمقام ٹل پل پر سیکورٹی فورسز کی گاڑی کے قریب خودکش حملہ، خودکش حملے میں 2 شہری ہلاک جبکہ کئی اہلکار زخمی ہونے کی اطلاعات ہے، حملے کے بعد سکیورٹی فورسز نے جائے وقوعہ پر پہنچ کر روڈ اور پل کو ہر قسم کی ٹریفک کیلئے بندکردیا ہے۔#NorthWaziristan #Pakistan

— Shabbir Hussain Turi (@ShabbirTuri) December 19, 2022

آئی ایس پی آر کا کہنا ہے کہ دھماکے میں تین افراد نشانہ بنے ہیں جن میں دو عام شہری ہیں جب کہ ایک فوجی نائیک عابد ہلاک ہوا ہے۔

بیان کے مطابق ہلاک ہونے والا فوجی مانسہرہ کا رہائشی تھا۔

رواں سال شمالی وزیرستان میں یہ آٹھواں خودکش حملہ ہے۔

مبینہ خودکش بمبار کا تعلق حافظ گل بہادر گروپ سے بتایا جاتا ہے۔

https://twitter.com/abdsayedd/status/1604802067180445696?t=YMShrXl87xGZLDaJC5Ud3A&s=19

اس سے قبل 16 دسمبر کو بھی ضلع شمالی وزیرستان کے علاقے میران شاہ میں گزشتہ روز ہونے والے خودکش دھماکے میں ایک شہری اور ایک فوجی ہلاک ہوگیا تھا۔

سیکیورٹی حکام نے بتایا تھا کہ فورسز کا قافلہ تحصیل دتہ خیل سے میران شاہ جا رہا تھا کہ موٹر سائیکل پر سوار خودکش بمبار نے حملہ کیا۔

رپورٹ میں بتایا گیا تھا کہ دہشت گردی کے اس واقعے میں 3 عام شہری اور 9 سیکیورٹی اہلکاروں سمیت 14 افراد زخمی ہوئے ہیں۔