شمالی وزیرستان میں سیکورٹی فورسز اور دہشتگردوں کے درمیان جھڑپ، ایک فوجی اور ایک دہشت گرد ہلاک

راولپنڈی (کاشف محمود) صوبہ خیبر پختونخوا کے قبائلی ضلع شمالی وزیرستان کے علاقے شیوا میں سیکیورٹی فورسز اور دہشتگردوں کے درمیان فائرنگ کے تبادلے میں ایک دہشتگرد ہلاک جبکہ پاکستان آرمی کا حوالدار ہلاک ہوگیا۔

شمالی وزیرستان کے علاقے اسپن وام میں نامعلوم افراد کی فائرنگ سے ایک فوجی ہلاک جبکہ دو زخمی ہوگئے جبکہ جوابی کارروائی میں حملہ آور بھی مارا گیا ہے۔#NorthWaziristan

— Shabbir Hussain Turi (@ShabbirTuri) November 30, 2022

پاک فوج کے شعبہ تعلقات عامہ آئی ایس پی آر کے مطابق ہلاک دہشتگرد سیکیورٹی فورسز کے خلاف دہشتگردی کی کارروائیوں میں ملوث تھا۔

مارے گئے دہشتگرد سے اسلحہ اور گولہ بارود بھی برآمد کرلیا گیا ہے۔

آئی ایس پی آر کا کہنا ہے کہ 35 سالہ حوالدار پاروش کا تعلق کوہاٹ سے تھا۔

پاک فوج کے شعبہ تعلقات عامہ نے مزید بتایا کہ علاقے میں دہشتگردوں کے خاتمے کے لیے کلیئرنس جاری ہے۔

دوسری جانب حملے کی ذمہ داری کالعدم تحریک طالبان پاکستان نے قبول کرلی ہے۔