صوابی میں دہشت گردوں کی فائرنگ سے ڈی آر سی ممبر ہلاک

صوابی (ڈیلی اردو) صوبہ خیبرپختونخوا کے ضلع صوابی میں ’ڈسپیوٹ ریزولیوشن کونسل‘ کے اہم ممبر کو دہشت گردوں نے فائرنگ کرکے ہلاک کردیاہے۔

تفصیلات کے مطابق صوابی کے علاقے کالوخان میں نامعلوم دہشت گردوں نے ڈسپیوٹ ریزولیوشن کونسل
(ڈی آر سی) کے اہم ممبر راحت خان کو گولیاں مار کر ہلاک کردیا اور جبکہ حملہ آور فرار ہونے میں ہوگئے۔

دوسری جانب ‏ڈی آر سی ممبر پر حملے کی ذمہ داری کالعدم تنظیم تحریک طالبان پاکستان نے اپنے سوشل میڈیا اکاؤنٹ پر قبول کرلی ہے۔

ڈی آر سی کیا ہے

خیبرپختونخوا حکومت کی جانب سے پولیس کی زیرسرپرستی عوام کے معاشرتی تنازعات اور مسائل کو حل کرنے کے لیے مئی 2014 میں ’ڈسپیوٹ ریزولیوشن کونسل‘ قائم کی گئی تھی۔ ابتدا میں پشاور کے دو پولیس اسٹیشنوں میں یہ کونسل بنائی گئی تھی تاہم مستقبل میں یہ دائرہ وسیع کیا جائے گا۔

اس کونسل کے ساخت کے بارے میں ڈی آر سی گلبرگ کے سیکرٹری عبداللہ خلیل کہتے ہیں کہ ہر کونسل کل اکیس ارکان پر مشتمل ہے جس میں ہر روز تین ممبرز پر مشتمل پینل لوگوں کے تنازعات کو سنتے ہیں اور باہمی مشاورت کے بعد اس پر فیصلہ کرتے ہیں۔

وہ مزید کہتے ہیں کہ حکومتی سطح پر سوچ وبچار کے بعد ڈی آر سی کے لیے کیمونٹی سے قابل احترام غیر سیاسی، غیر متنازعہ، دانشور، ریٹائرڈ سول اور مسلح افواج کے افسران، ماہرین تعلیم، تاجر اور وکلا کا انتحاب کیا جاتا ہے جو کہ رضاکارانہ طور پر لوگوں کی بھلائی کے لیے اپنی خدمات پیش کرتے ہیں۔