صومالی فوج کا دو اڈوں پر الشباب کے حملے پسپا کرنے کا دعویٰ

موغادیشو (ڈیلی اردو/شِنہوا) صومالی نیشنل آرمی(ایس این اے) نے کہا ہے کہ اس کی فورسز نے جنوبی صومالیہ میں اپنے 2 اڈوں پر الشباب عسکریت پسندوں کے 2 حملے پسپا کر دیے ہیں۔

ایس این اے نے جمعہ کے روز بتایا کہ عسکریت پسند گروہ کی جانب سے زیریں شابیلی خطے کے اضلاع سابیڈ اینڈ انول میں صبح سویرے کیے جانیوالے حملوں کو ناکام بنا دیا گیا ہے۔

ایک بیان میں کہا گیا ہے کہ حملے کی کوششوں کو وہاں تعینات ہمارے بہادر فوجیوں نے ناکام بنا دیا ہے۔ اس عمل کے دوران ہم نے متعدد دہشتگردوں کو ہلاک اور کافی سامان بھی ضبط کیا ہے۔

تاہم یومیہ بنیادوں پر سرکاری افواج پر حملے کرنیوالے الشباب گروہ نے دعویٰ کیا ہے کہ اس نے افگوئے سے تقریباً 8 کلومیٹر دور واقع سابیڈ کا کنٹرول سنبھال کر فوجی گاڑیاں اور گولہ بارود قبضہ میں لے لیا ہے۔