طالبان کے القاعدہ سے تعلقات امریکا سے زیادہ مضبوط ہیں، سابق امریکی کمانڈر جنرل

واشنگٹن (ڈیلی اردو) سابق امریکی کمانڈر جنرل مکینزی نے کہا ہے کہ طالبان کے القاعدہ کے ساتھ تعلقات بہت اچھے ہیں البتہ امریکا کے ساتھ طالبان کے تعلقات اتنے اچھے نہیں ہیں، طالبان کا القاعدہ سے رشتہ امریکا کے ساتھ کسی بھی تعلق سے زیادہ مضبوط ہے۔

امریکی ٹی وی کو انٹرویو دیتے ہوئے امریکی سینٹرل کمانڈ کے سابق کمانڈر جنرل فرانک مکینزی کا کہنا ہے کہ طالبان کے القاعدہ کے ساتھ تعلقات امریکا سے زیادہ مضبوط ہیں، صدر بائیڈن نے دعویٰ کیا تھا کہ القاعدہ کے خاتمے کیلئے طالبان امریکا کا ساتھ دیں گے لیکن ایسا نہیں ہوا۔

Retired Gen. Frank McKenzie, the former head of U.S. Central Command, says ISIS is now a "more enduring threat" than al Qaeda, and is even "gathering strength" by taking advantage of ungoverned spaces in Afghanistan. pic.twitter.com/vhwRNEfidO

— Face The Nation (@FaceTheNation) September 10, 2023

فرانک مکینزی نے کہا کہ طالبان کا القاعدہ کے ساتھ طویل مدتی خاندانی اور روایتی تعلق ہے، یہ رشتہ امریکا کے ساتھ کسی بھی ممکنہ تعلق سے کہیں زیادہ مضبوط ہے، میں نے انخلا کے وقت 25 ہزار امریکی فوجی افغانستان میں تعینات کرنے کا مشورہ دیا تھا۔