عمر اکمل کی شاندار اننگز نے پشاور زلمی کو جیت سے محروم کر دیا

دبئی (ویب ڈیسک) پاکستان سپر لیگ کے چوتھے سیزن کے تیسرے میچ میں کوئٹہ گلیڈی ایٹرز نے پشاور زلمی کو 6 وکٹوں سے شکست دے کر ٹورنامنٹ کا فاتحانہ آغاز کردیا۔

تفصیلات کے مطابق دبئی میں کھیلے جارہے میچ کا ٹاس کوئٹہ گلیڈی ایٹرز کے کپتان سرفراز احمد نے جیتا اور پہلے پشاور کو بیٹنگ کی دعوت دی۔

پشاور نے مقررہ اوورز میں مصباح الحق اور کامران اکمل کے 49، 49 رنز کی بدولت 4 وکٹوں کے نقصان پر 155 رنز اسکور کئے، محمد نواز نے دو وکٹیں حاصل کیں۔

کوئٹہ نے 156 رنز کا ہدف آخری اوور میں حاصل کرکے ٹورنامنٹ کا فاتحانہ آغاز کردیا۔

کوئٹہ کی جانب سے عمر اکمل نے شاندار ناقابل شکست 75 رنز کی اننگز کھیلی، اس کے علاوہ کپتان سرفراز احمد نے 37 جبکہ واٹسن اور روسو نے 19، 19 رنز اسکور کئے۔

پشاور کی جانب سے وہاب ریاض نے 2 جبکہ حسن علی اور عمید آصف نے ایک ایک وکٹ حاصل کی۔

عمر اکمل کو شاندار اننگز کھیلنے پر میچ کے بہترین کھلاڑی کا اعزاز دیا گیا