غزہ پر اسرائیلی فضائی و زمینی حملوں میں مزید 30 فلسطینی ہلاک

غزہ +  یروشلم  (ڈیلی اردو/نیوز ایجنسیاں) اسرائیلی فوج نے پیر کو کہا کہ اس نے غزہ میں حماس اور دیگر مسلح گروہوں کو نشانہ بنایا ہے۔ مقامی طبی ذرائع کے مطابق پیر کی صبح سے اب تک کم از کم 30 فلسطینی ہلاک ہوئے ہیں، جن میں سے 26 افراد غزہ سٹی میں مارے گئے۔

اسرائیلی فوج کا کہنا ہے کہ اتوار کو اس نے ایک ایسی عمارت پر حملہ کیا جہاں سے حماس کے ارکان نے اسرائیل پر راکٹ داغے تھے، جبکہ پیر کی دوپہر بھی غزہ سٹی سے ایک اور راکٹ فائر ہوا۔

غزہ سٹی میں جاری زمینی آپریشن کے باعث بڑے پیمانے پر نقل مکانی جاری ہے۔ فوجی اعداد و شمار کے مطابق اب تک 5  لاکھ 50 ہزار سے زائد افراد غزہ سٹی چھوڑ چکے ہیں۔ یہ شہر غزہ پٹی کا سب سے بڑا شہر ہے اور جنگ سے قبل اس کی آباد ایک ملین کے قریب تھی۔

اسرائیلی فوج نے دعویٰ کیا ہے کہ اس نے غزہ سٹی میں 15 مسلح افراد اور جنوبی غزہ میں دہشت گرد تنظیموں کے متعدد ارکان کو ہلاک کیا ہے جبکہ حماس کی بحری پولیس کے نائب سربراہ کو بھی نشانہ بنایا گیا، جن پر الزام ہے کہ وہ سات اکتوبر 2023 کے حملے میں ملوث تھے۔