قصور: ٹیوب ویل میں نہانے پر مسلم زمیندار نے مسیحی نوجوان سلیم کو برترین تشدد کرکے قتل کردیا

قصور (ڈیلی اردو) صوبہ پنجاب کے ضلع قصور میں ایک 22 سالہ مسیحی نوجوان کو بااثر مسلم زمیندار اور انکے ساتھیوں نے ٹیوب ویل پر نہانے کی شبے میں بدترین تشدد کرکے قتل کر دیا۔

اطلاعات کے قصور کے علاقے چونیاں میں 22 سالہ کرسچن نوجوان سلیم مسیح کو ٹیوب میں نہانے پر بدترین تشدد کرکے زخمی کردیا جسے ہسپتال لے جایا گیا اور جانبر نہ ہوسکا۔

خاندانی ذرائع کے مطابق 22 سالہ نوجوان سلیم مسیح نے جمعرات 27 فروری کو بھوسے سے بھری گاڑی اتارنے کے بعد گاؤں بگیانا میں ٹیوب ویل پر نہانے گیا وہاں گاؤں کے کچھ بااثر افراد نے اسے مارنا شروع کردیا اور کہا کہ تم نے ہمارا ٹیوب ویل پلیت (ناپاک/+نجس) کردیا ہے۔

گاؤں کے لوگ اسے ایک جانوروں کے باڑے میں لے گئے جہاں سلیم مسیح کے ہاتھ پاؤں باندھ کر اسے بدترین تشدد کا نشانہ بناتے رہے، اسے لوہے کے اہنی راڈ سے پیٹتے رہے، بااثر ملزمان سلیم مسیح کو شدید زخمی حالت میں چھوڑ کر بھاگ گئے۔

مقامی ذرائع کا کہنا ہے کہ پولیس نے چار گھنٹے بعد زخمی سلیم مسیح کو مقامی ہسپتال منتقل کیا جہاں وہ زخموں کی تاب نہ لاتے ہوئے چل بسا، لواحقین نے شیر ڈوگر، اقبال، الطاف، جبار اور حاجی محمد کو نامزد کیا ہے، لواحقین کے مطابق پولیس بااثر ملزمان (قاتلوں) کی پشت پناہی کررہی ہے اور قاتلوں کو پکڑنے کے بعد انہیں شخصی ضمانت پر رہا کر دیا ہے۔

خیال رہے کہ گزشتہ سال 20 مئی 2019 کو فیصل آباد کے نواحی علاقہ میں ایک بااثر مسلم زمیندار محمد عباس نے تین دن تک جاوید مسیح کو زبردستی اپنی حراست میں رکھا۔ اور ترین تشدد کرنے کے بعد قتل کر دیا گیا تھا۔

واضح رہے قصور میں سن 2014 میں کنوئیں سے پانی پینے پر حاملہ شمع مسیح اور اس کے شوہر شہزاد مسیح کو زندہ جلادیا گیا تھا۔