لاہور میں اینکر پرسن سید اقرار الحسن کے گھر پر نامعلوم افراد کی فائرنگ، مقدمہ درج

لاہور (ڈیلی اردو) صوبہ پنجاب کے صوبائی دارالحکومت لاہور کے علاقے ڈیفنس میں معروف اینکر پرسن سیس اقرار الحسن کے گھر پر نامعلوم افراد نے فائرنگ کردی۔

گزشتہ رات اینکر پرسن کے گھر پر نامعلوم افراد نے چند منٹوں کے وقفے سے 2 بار فائرنگ کی اور پھر ہوائی فائرنگ کر کے فرار ہوگئے ہیں، واقع میں کسی قسم کا جانی نقصان نہیں ہوا ہے۔

اقرار الحسن نے اپنی فیس بک پوسٹ میں رات گئے ایک ویڈیو بھی شیئر کی، جس میں انہوں نے اپنے مداحوں کو بتایا کہ ’ لاہور میں کچھ دیر پہلے میرے گھر پر شدید فائرنگ کی گئی ہے، پولیس موقع پر پہنچ کر سی سی ٹی وی کیمروں کے فوٹیج حاصل کررہی ہے، دعاؤں کی درخواست’۔

لاہور میں میرے گھر پر شدید فائرنگ کی گئی ہے۔ حملہ آوروں نے بائیس منٹ کے وقفے سے دو بار فائرنگ کی۔ پولیس موقع پر پہنچ کر سی سی ٹی وی کیمروں کی فوٹیج حاصل کر رہی ہے۔
دعاؤں کی درخواست pic.twitter.com/0mB6B77xY6

— Iqrar ul Hassan Syed (@iqrarulhassan) March 7, 2024

اندراج مقدمہ کے لیے متعلقہ پولیس کو درخواست جمع کروا دی گئی ہے، پولیس کو اقرار الحسن کے گھر کے باہر سے نائن ایم ایم پستول کے خول بھی ملے ہیں۔

اقرار الحسن نے رات گئے ایکس (سابقہ ٹوئٹر) پر اپنی پوسٹ میں لکھا کہ ’لاہور ڈیفنس پولیس نے میرے گھر پر فائرنگ کا مقدمہ درج کر لیا ہے۔

لاہور میں میرے گھر پر شدید فائرنگ کی گئی ہے۔ حملہ آوروں نے بائیس منٹ کے وقفے سے دو بار فائرنگ کی۔ پولیس موقع پر پہنچ کر سی سی ٹی وی کیمروں کی فوٹیج حاصل کر رہی ہے۔
دعاؤں کی درخواست pic.twitter.com/0mB6B77xY6

— Iqrar ul Hassan Syed (@iqrarulhassan) March 7, 2024

سید اقرار الحسن نے مزید لکھا کہ میں جس علاقے میں رہتا ہوں یہاں چپے چپے پر سی سی ٹی وی کیمرے موجود ہیں۔ امید ہے ملزمان اگلے کچھ گھنٹوں میں تلاش کر لئے جائیں گے‘۔

لاہور ڈیفنس پولیس نے میرے گھر پر فائرنگ کا مقدمہ درج کر لیا ہے۔ میں جس علاقے میں رہتا ہوں یہاں چپے چپے پر سی سی ٹی وی کیمرے موجود ہیں۔ امید ہے ملزمان اگلے کچھ گھنٹوں میں تلاش کر لئے جائیں گے۔

— Iqrar ul Hassan Syed (@iqrarulhassan) March 7, 2024

یاد رہے کہ دو روز قبل بھی اقرار الحسن کے گھر کے باہر فائرنگ ہوئی تھی۔