لبنان میں حزب اللہ کے ساتھ شدید جھڑپوں میں 5 اسرائیلی فوجی ہلاک، 9 زخمی

یروشلم (ڈیلی اردو) اسرائیلی دفاعی افواج کا کہنا ہے کہ گذشتہ روز جنوبی لبنان میں ہونے والی لڑائی میں اُن کے پانچ فوجی ہلاک ہوئے۔

ایک بیان میں آئی ڈی ایف نے مزید کہا کہ بدھ سے اب تک جنوبی لبنان اور غزہ پانچ فوجیوں کے ہلاکت ہوئی اور 9 فوجی شدید زخمی ہوئے۔

تاہم دوسری جانب اسرائیلی افواج نے لبنان کے کچھ حصوں میں مزید فضائی حملے کیے ہیں۔

اسرائیلی فوج نے جنوبی بیکا کے علاقے میں واقع تمنین الفوقہ گاؤں اور ساحلی شہر صور کے قریب واقع ایک گاؤں میں انخلا کی متعدد وارننگ جاری کی ہیں جس کے بعد اُن علاقوں سے حملوں کی اطلاعات موصول ہوئی ہیں۔

لبنان کی سرکاری خبر رساں ایجنسی نیشنل نیوز ایجنسی نے بھی بتایا کہ الخیام قصبے میں گزشتہ رات تقریبا 10 منٹ میں سات فضائی حملے کیے گئے۔