لکی مروت میں دہشت گردوں کی فائرنگ سے ٹریفک پولیس کا انچارج زخمی

لکی مروت (ڈیلی اردو) صوبہ خیبر پختونخوا کے ضلع لکی مروت میں موٹر سائیکل سواروں دہشت گردوں کی فائرنگ سے ٹریفک انجارج زخمی ہوگئے۔

اس حوالے سے پولیس ذرائع نے بتایا کہ سرائے نورنگ میں ٹریفک انچارج منجی والا چوک پر موٹر سائیکل سواروں دہشت گردوں کی فائرنگ سے ٹریفک انچارج شاہد منیر زخمی ہو گیا، انہیں فوری طبی امداد فراہم کرنے کیلئے ہسپتال منتقل کیا گیا جہاں ڈاکٹروں نے ان کی حالت خطرے سے باہر بتائی۔

پولیس کے مطابق لکی مروت میں فائرنگ سے ٹریفک انجارج زخمی ہو گئے تھے، اس واقعہ میں شاہد منیر کو صرف ایک گولی لگی۔

پولیس رپورٹ کے مطابق انچارج ٹریفک پولیس شاہد منیر ڈیوٹی کے بعد موثر سائیکل پر اپنے گاؤں کوٹکہ امام دین نار محمد غزنی خیل جارہے تھے کہ اس دوران منجی والا روڈ پر موٹرسائیکل سواروں دہشت گردوں نے ان پر فائرنگ کردی۔

پولیس نے بتایا کہ حملہ اور دو موٹر سائیکلوں پر سوار تھے۔