لکی مروت میں سرکاری گاڑی پر فائرنگ، شدت پسندوں نے افسر سے نقدی اور پولیس اہلکار سے اسلحہ چھین لیا

اسلام آباد (ش ح ط) صوبہ خیبرپختونخوا کے ضلع لکی مروت میں نامعلوم مسلح افراد نے فوڈ سیفٹی اینڈ حلال فوڈ اتھارٹی کی گاڑی پر فائرنگ کردی۔

ذرائع کے مطابق سرائے گمبیلا کے قریب بچکن اڈہ پر نامعلوم مسلح افراد نے فوڈ سیفٹی اینڈ حلال فوڈ اتھارٹی کی گاڑی پر فائرنگ کردی اور گاڑی میں موجود افسر اور عملے سے ہزاروں روپے کی نقدی رقم اور فوڈ افسر کی سیکیورٹی پر مامور پولیس اہلکار امین خان سے سرکاری کلاشنکوف بھی چھین لیا۔

https://twitter.com/ShabbirTuri/status/1572181913389133825?t=AtCTSkjJCQ0MtRRBqV2I1g&s=19

ذرائع نے مزید بتایا کہ مسلح افراد نے عملے کو سرکاری نوکری چھوڑنے کی دھمکی پر چھوڑ دیا گیا۔

واقعے کے فوری بعد پولیس نے علاقے کو گھیرے میں لیتے ہوئے سرچ آپریشن شروع کر دیا۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔

ترجمان محمد خراسانی نے دعویٰ کیا ہے کہ گزشتہ تین روز کے دوران ضلع لکی مروت میں تین پولیس اہلکار”سر نڈر“ ہو گئے ہیں۔