لکی مروت میں موٹر سائیکل سواروں کی فائرنگ سے پولیس اہلکار ساتھی سمیت ہلاک

لکی مروت (نمائندہ ڈیلی اردو) صوبہ خیبر پختونخوا کے ضلع لکی مروت میں موٹر سائیکل سوار پولیس اہلکار پر فائرنگ سے پولیس اہلکار اور اس کا دوست ہلاک ہوگیا۔ حملہ آور ہیڈ کانسٹیبل سے سرکاری کلاشنکوف لے کر موٹر سائیکل پر فرار ہو گئے ۔

پولیس کے مطابق نامعلوم افراد کی فائرنگ کا یہ واقعہ لکی مروت کے علاقے پہاڑ خیل تھل کے قریب پیش آیا جس کانسٹیبل یونس خان اور اس کا ساتھی عصمت اللہ ہلاک ہوگیا۔ پولیس کے مطابق واقعے کی تفتیش جاری ہے،

https://twitter.com/ShabbirTuri/status/1611267787003170817?t=C-gW0YnDdg0spik9iavE9g&s=19

ریسکیو نے لاشوں کو ہسپتال منتقل کردیا گیا ہے۔

لکی مروت پہاڑ خیل کے قریب فائرنگ کی اطلاع موصول ہوئی۔

لکی مروت: کنٹرول روم کو اطلاع موصول ہوتے ہی ریسکیو1122 میڈیکل ٹیم روانہ کردی گئی۔

فائرنگ کے نتیجے میں یاسین اللّه اور عصمت اللّه خان جاں بحق۔دونوں کو سٹی ہسپتال لکی سٹی منتقل کیا گیا۔ دونوں کا تعلق پہاڑ خیل لکی مروت سے ہے۔ pic.twitter.com/8BxRoToqCS

— Rescue 1122 Lakki Marwat (@RescueLakki) January 6, 2023

اس سے قبل لکی مروت میں تھانہ شادی خیل پولیس کی کار پر فائرنگ سے سمیع اللہ نامی پولیس اہللار ہلاک جبکہ ایڈیشنل ایس ایچ او شدید زخمی ہوگئے۔

پولیس ترجمان لکی مروت کے مطابق بیٹنی سب ڈویژن میں تھانہ ورگاڑی پولیس پر رات کے وقت نامعلوم مسلح افراد نے حملہ کیا جس کی مدد کیلئے مقامی لوگ مسلح ہوکر نکل آئے اور دہشت گردوں پر فائرنگ شروع کردی اس دوران قریبی تھانوں سے بھی پولیس نفری طلب کرلی گئی۔

لکی مروت میں تھانہ ورگاڑی پر دہشت گردوں کا بھاری ہتھیاروں سے حملہ، پولیس اور اہل علاقے نے دہشت گردوں کا حملہ ناکام بنا دیا، دونوں اطراف سے کسی قسم کی جانی اور مالی نقصان کی اطلاع نہیں ملی، دہشت گرد اندھیرے کی آڑ میں فرار ہونے میں کامیاب ہوگئے۔#LakkiMarwat #Pakistan

— Shabbir Hussain Turi (@ShabbirTuri) January 5, 2023

دوسری جانب مروت کینال روڈ پر تھانہ ورگاڑی پولیس کی مدد کیلئے جانے والی تھانہ شادی خیل پولیس کی کار پر فائرنگ ہوئی جس میں ایک پولیس اہلکار سمیع اللہ ہلاک جبکہ ایڈیشنل ایس ایچ او حبیب اللہ شدید زخمی ہوئے ہیں۔

واقعے کے بعد پولیس نے علاقے کو گھیرے میں لے لیا ہے اور سرچ آپریشن جاری ہے۔

اس سے قبل ڈیرہ اسماعیل خان میں بھی پولیو ٹیم کی حفاظت پر معمور اہلکاروں پر فائرنگ اور دستی بم حملہ کیا گیا تھا، جس کے نتیجے میں 6 اہلکار زخمی ہوئے تھے۔