لکی مروت میں پولیس موبائل پر خودکش حملہ، ایک اہلکار ہلاک، 5 زخمی

واشنگٹن (ش ح ط) پاکستان کے شورش زدہ صوبہ خیبر پختونخوا کے ضلع لکی مروت میں پولیس موبائل پر خودکش حملے میں ایک پولیس اہلکار ہلاک جبکہ 5 زخمی ہوگئے۔

پولیس کے مطابق لکی مروت میں خودکش بمبار نے پولیس اسٹیشن تجوڑی کی موبائل کو نشانہ بنایا۔ خودکش دھماکے میں ایک پولیس اہلکار ہیڈ کانسٹیبل علاؤ الدین ہلاک ہو گئے جبکہ اے ایس آئی حق نواز خان، ڈرائیور یار محمد، کمال احمد ایلیٹ فورس اور ڈی ایف سی نصر اللہ زخمی ہوئے۔

حملے کے فوری بعد پولیس کی بھاری نفری موقع پر پہنچ گئی اور علاقے میں سرچ آپریشن شروع کر دیا گیا۔

دھماکے کے بعد سیکورٹی فورسز اور پولیس نے علاقے کو گھیرے میں لے کر سرچ آپریشن شروع کر دیا ہے۔