مالی میں فوجی کیمپ پر خودکش حملہ

بماکو (ڈیلی اردو/ شِنہوا) مالی کے قصبے کاٹی میں ایک فوجی کیمپ پر حملے کے دوران دو دہشت گرد مارے گئے۔

مالی کی مسلح افواج نے ویب سائٹ پر ایک بیان میں بتایا کہ مسلح افواج نے کاٹی کیمپ پر دہشت گردوں کے حملے کو بھرپور طریقے سے پسپا کردیا۔

بیان کے مطابق حملہ مقامی وقت کے مطابق صبح 5 بجے کے قریب ہوا جس میں دھماکہ خیز مواد سے بھری دو گاڑیاں استعمال کی گئیں۔

مسلح افواج کے چیف آف جنرل سٹاف کا حوالہ دیتے ہوئے بیان میں کہا گیا ہے کہ صورتحال قابو میں ہے اورحملہ آوروں اور ان کے ساتھیوں کو کیمپ سے باہر نکالنے کے لیے تلاش کا کام جاری ہے۔

شنہوا کو ٹیلی فون پر رہائشیوں نے بتایا کہ مالی کے دارالحکومت بماکو سے 15 کلومیٹر دور واقع قصبے میں زندگی آہستہ آہستہ معمول پر آ رہی ہے۔