مردان: تخت بھائی میں پاک فضائیہ کا تربیتی طیارہ گر کر تباہ، پائلٹ شدید زخمی

مردان (نمائندہ ڈیلی اردو) صوبہ خیبر پختونخوا کے ضلع مردان کی تحصیل تخت بھائی میں پاک فضائیہ کا تربیتی جہاز گر کر تباہ ہو گیا جبکہ حادثے کے نتیجے میں ایک پائلٹ شدید زخمی ہو گیا۔

ریسکیو 1122 ذرائع کے مطابق جہاز مردان کی تحصیل تخت بھائی کے گاؤں آصف کلی میں گرا ہے اور رسالپور ٹریننگ اکیڈمی کا تربیتی طیارہ ہے۔ طیارے کا پائلٹ معمولی زخمی ہے جس کو ایمبولینس میں ابتدائی طبی امداد فراہم کی گئی۔

One pilot injured as a light traning aircraft crashed in TakhtBhai Mardan #Rescue1122 Mardan rushed to incident place and provided #firstaid and extinguished fire@PMRUKP @infokpgovt @IftikharFirdous @JavedAzizKhan #khyberpakhtunkhwa @ReliefDepttKP pic.twitter.com/SHPmfxgOxm

— KP_Rescue1122 (@KPRescue1122) February 12, 2020

ذرائع کا کہنا ہے کہ زخمی پائلٹ کو ایمبولینس میں ابتدائی طبی امداد فراہم کرنے کے بعد آرمی ہیلی کاپٹر میں ملٹری ہسپتال منتقل کر دیا گیا۔

دوسری جانب طیارے کے ملبے میں آگ لگی ہوئی ہے جسے بجھنے کی کوشش کی جا رہی ہے۔

ریسکیو1122 مردان، تخت بھائی آصف کلی میں گرنے والا جہاز رسالپور ٹریننگ اکیڈمی کا تربیتی طیارہ ہے.

مردان، تربیتی طیارے کا پائلٹ معمولی زخمی ہے جس کو ریسکیو1122 ایمبولینس میں ابتدائی طبی امداد فراہم کی جارہی ہے.

مردان، پائلٹ کو ریسکیو 1122 ایمبولینس میں ہسپتال منتقل کیا جارہا ہے. pic.twitter.com/Hh4r0YIQCy

— KP_Rescue1122 (@KPRescue1122) February 12, 2020

واقعے کے حقائق جاننے کیلئے تحقیقاتی بورڈ تشکیل دے دیا گیا ہے۔

یاد رہے 7 فروری 2020 کو پاک فضائیہ کا طیارہ پنجاب کے ضلع جھنگ کی تحصیل شور کوٹ کے قریب گر کر تباہ ہو گیا تھا، حادثے کے نتیجے میں پائلٹ جہاز سے بحفاظت اترنے میں کامیاب رہا تھا۔

اس سے قبل 7 جنوری 2020 کو پاک فضائیہ کا طیارہ تربیتی پرواز کے دوران پنجاب کے ضلع میانوالی کے قریب گر کر تباہ ہوگیا تھا اور حادثے کے نتیجے میں طیارے ایف ٹی سیون میں سوار دونوں پائلٹ شہید ہوگئے تھے، جن کے نام اسکواڈرن لیڈر حارث بن خالد اور فلائنگ آفیسر عبادالرحمان تھے۔