مصر میں سیکیورٹی فورسز کے دفاتر پر فائرنگ سے4 اہلکار ہلاک، 21 زخمی

قاہرہ (ڈیلی اردو) مصر کے صوبہ سیناء میں سیکیورٹی فورسز کے دفاتر پر فائرنگ کے نتیجے میں 4 اہلکار ہلاک 21 اہلکار زخمی ہوگئے ہیں۔

#Egypt– 4 police officers (including a Colonel) killed, 21 wounded in a likely #ISIS attack (for the first time in 7 months) targeting the National Security Headquarters in al-Arish, North #Sinai yesterday pic.twitter.com/j4Fb4h4r8D

— Oded Berkowitz (@Oded121351) July 31, 2023

عرب میڈیا رپورٹس کے مطابق مصرکے صوبہ شمالی سیناء کے دارالحکومت العریش میں واقع نیشنل سکیورٹی فورسز کے ہیڈ کوارٹر پر فائرنگ ہوئی۔ فائرنگ کے نتیجے میں 4 اہلکار ہلاک اور 21 اہلکار زخمی ہوگئے ہیں۔

رپورٹس کے مطابق زخمیوں میں اکثر اہلکار گولیوں کا نشانہ بنے ہیں اور اکثر اہلکاروں کو ہسپتال میں فائر کی جانے والی آنسو گیس کی وجہ سے سانس لینے میں مشکلات کا سامنا رہا ہے۔ زخمی اہلکار میں آٹھ پولیس افسر بھی شامل ہیں۔

مصری وزارتِ داخلہ نے سیکیورٹی فورسزکے دفاتر پر فائرنگ کے بارے میں کوئی بیان جاری نہیں کیا کہ سکیورٹی فورسز کے ہیڈ کوارٹرپر کس نے فائرنگ کی ہے۔

خیال رہے کہ مصر کے صوبے شمالی سیناء میں مصری فورسز گذشتہ کئی برسوں سے داعش سے وابستہ انتہا پسند دہشتگردوں کے خلاف جنگ کررہی ہیں۔ ان انتہا پسند دہشتگردوں نے علاقے میں پولیس اور فوج پر متعدد بار حملے کیے ہیں۔