نائجیریا میں جہادیوں کا حملہ، 50 افراد ہلاک، خواتین اور بچے اغوا

ابوجا (ڈیلی اردو) نائجیریا کی زمفارا ریاست کے ایک گاؤں پر جہادیوں نے حملہ کرکے کم از کم 50 افراد کو ہلاک کر دیا۔

ذرائع کے مطابق مسلح افراد نے شام تقریباً 5 بجے حملہ شروع کیا اور صبح ساڑھے 3 بجے تک کارروائیاں جاری رہیں۔ حملہ آوروں نے گھروں کو آگ لگا دی اور فرار ہونے کی کوشش کرنے والوں پر فائرنگ بھی کی۔

رپورٹس کے مطابق کارروائی کے دوران متعدد خواتین اور بچوں کو بھی اغوا کر لیا گیا۔ واقعے کے بعد متاثرہ افراد کو قریبی شہر میدوگوری منتقل کیا گیا۔

عینی شاہدین کا کہنا ہے کہ حملہ آوروں نے خواتین اور بچوں کو یرغمال بھی بنایا۔

مقامی رکن اسمبلی نے خدشہ ظاہر کیا ہے کہ ہلاکتوں کی تعداد میں مزید اضافہ ہو سکتا ہے، جبکہ اغوا کیے گئے افراد کی درست تعداد فوری طور پر معلوم نہیں ہو سکی۔