نائیجریا میں مسلح گروہوں کے حملوں میں 160 افراد ہلاک، 300 سے زائد زخمی

ابوجا (ڈیلی اردو) نائیجریا کے وسطی علاقوں میں متعدد دیہات پر مسلح گروہوں کے حملوں میں ہلاکتوں کی تعداد 160 تک پہنچ گئیں اور 300 سے زیادہ زخمی ہیں۔

غیر ملکی خبررساں ادارے کے مطابق مقامی حکام نے بتایا کہ مسلح گروہوں نے وسطی نائیجریا میں گزشتہ اختتام ہفتہ پر کئی دیہاتوں پر حملوں کے باعث ہلاکتیں 160 تک پہنچ گئیں۔

پلیٹیو سٹیٹ کے دارالحکومت بوکوس میں مقامی حکومت کے سربراہ پیر کاسہ نے 160 افراد کے مارے جانے کی تصدیق کی۔ انہوں نے کہا کہ ان مسلح گروہوں نے مختلف کمیونٹیز کے گھروں پر حملے کئے اور انہیں نذر آتش کر دیا۔

انہوں نے مزید بتایا کہ ہمیں ان حملوں میں 300 سے زائد افراد زخمی ہو ئے جنہیں بوکوس، جوس اور بارکن لاڈی کے ہسپتالوں میں منتقل کیا گیا۔ واضح رہے کہ اس علاقے میں مقیم مسلمان اور عیسائی آبادیوں کے درمیان نسلی اور مذہنی تنازعات چل رہے ہیں۔