ڈیرہ اسماعیل خان: کالعدم ٹی ٹی پی کے تین دہشت گردوں کی ’گولیوں سے چھلنی‘ لاشیں برآمد

ڈی آئی خان (نمائندہ ڈیلی اردو) صوبہ خیبرپختونخوا کے جنوبی ضلع ڈیرہ اسماعیل خان کے علاقے یارک سے تین گولیوں سے چھلنی لاشیں برآمد ہوئی ہیں۔

ڈیلی اردو کے مطابق ڈیرہ اسماعیل خان کے علاقے پندرہ میل میں شیخ عبدالولی وزیر نامی شخص کے گھر سے کالعدم تحریک طالبان پاکستان کے 3دہشتگردوں کی گولیوں سے چھلنی لاشیں برآمد ہوئی ہیں۔

پولیس کے مطابق ہلاک دہشت گردوں کے لاشوں سے ایک کلاشنکوف فلوڈنگ چائنہ کمپنی بمعہ فٹ میگزین ،تین سپیئر میگزین ، بمعہ 70کارتوس ، دوسری نعش کیساتھ ایک ریپٹر 12بور بمعہ فٹ میگزین ، ایک سپیئر میگزین بمعہ 6کارتوس دو عدد سادہ موبائل ، ایک ٹچ موبائل پڑے تھے ، جن کو نامعلوم ملزمان نے اسلحہ آتشیں سے فائرنگ کرکے ہلاک کیا تھا۔

بعد ازاں پولیس ذرائع کے مطابق ہلاک شدہ ملزمان کی عمریں 17سے 20سال بتائی جاتی ہیں ،اور ان کی شناخت خیر اللہ ولد عبدالحلیم ، سیف اللہ ولد شاہ واز خان اور جمال الدین ولد نامعلوم سکنہ بکہ خیل ضلع بنوں کے ناموں سے ہوئی ہے۔