وزیر اعظم عمران کا قبائلی اضلاع میں سالانہ سو ارب خرچ کرنے کا اعلان

اسلام آباد (ڈیلی اردو) وزیراعظم عمران خان کا کہنا ہے کہ قبائلی علاقہ جات سے تعلق رکھنے والے ہمارے لوگ بے مثال ترقی دیکھیں گے۔ ٹوئٹر پر وزیراعظم عمران خان کا کہنا تھا کہ قبائلی علاقوں کی ترقی کے لیے پرعزم ہیں۔

ایفائے عہد کا زمانہ ہے اور ہم فاٹا (پرانا قبائلی علاقہ) کی تعمیر وترقی کے دس سالہ منصوبے پر سہ ہفتہ مشاورتی عمل باجوڑ سے شروع کر رہے ہیں۔ ہمارے قبائلی بھائیوں کو تاریخی ترقی میسر آئے گی کیونکہ حکومت قبائلی اضلاع میں دس برس تک سو ارب سالانہ سے زائد کے اخراجات کا ارادہ رکھتی ہے۔

— Imran Khan (@ImranKhanPTI) March 18, 2019

قبائلی علاقہ جات سے تعلق رکھنے والے ہمارے لوگ بے مثال ترقی دیکھیں گے۔ عمران خان کا کہنا تھا کہ سابقہ قبائلی علاقہ جات کے 10 سالہ ترقیاتی پروگرام کے لیے تین ہفتوں کا مشاورتی عمل باجوڑ سے شروع کیا جا رہا ہے کیونکہ حکومت کا قبائلی ضلعوں کے لیے آئندہ 10 سال کے لیے 100 ارب روپے سالانہ خرچ کرنے کا منصوبہ ہے۔