ٹانک میں جنڈولہ پولیس اسٹیشن پر دہشت گردوں کا میزائلوں سے حملہ

اسلام آباد (ش ح ط) صوبہ خیبرپختونخوا کے ضلع ٹانک میں دہشت گردوں نے جنڈولہ پولیس اسٹیشن پر میزائلوں سے حملہ کیا۔

سرکاری ذرائع کے مطابق دہشت گردوں کی جانب سے داغے گئے دو میزائلوں سے تھانے کی عمارت کو جزوی طور پر نقصان پہنچا ہے تاہم کوئی جانی نقصان نہیں ہوا۔ شہریوں میں خوف و ہراس پھیل گیا۔

دھماکوں کے بعد ضلع بھر میں سیکیورٹی ہائی الرٹ کر دی گئی ہے، علاقے کو گھیرے میں لے لیا گیا اور تازہ دم پولیس اہلکار اور سیکورٹی فورسز جائے وقوع پر پہنچ گئیں۔

واقعے کے فوری بعد سیکیورٹی فورسز نے علاقے کو گھیرے میں لیتے ہوئے سرچ آپریشن شروع کر دیا۔

کالعدم تحریک طالبان پاکستان (ٹی ٹی پی) نے حملے کی ذمہ داری قبول کرنے کا دعویٰ کیا۔

https://twitter.com/Natsecjeff/status/1698978667907403926?t=5lyKUfQZPirkf8O0gq0M0w&s=19

ترجمان محمد خراسانی نے دعویٰ کیا ہے کہ مجاہدین نے اپنے انجینیئرز کے ہاتھوں تیار کردہ الفاروق میزائل سے حملہ کیا جو عین قلعے کے اندر لگے ہیں۔