ٹی ٹی پی افغانستان میں امریکی ہتھیار استعمال کرتے ہوئے پاکستان میں دہشتگردی کر رہی ہے، دی جیو پالیٹکس

واشنگٹن (ڈیلی اردو) امریکی جریدے دی جیو پالیٹکس کی جانب سے کہا گیا ہے کہ ٹی ٹی پی افغانستان میں موجود امریکی ہتھیاروں سے پاکستان میں دہشت گردی کر رہی ہے۔

افغانستان سے انخلا کےبعد امریکی ہتھیار خطے کی سیکیورٹی کیلئے سنگین خطرہ بن گئے۔

امریکی جریدہ دی جیوپالیٹکس نے بھی انکشاف کیا کہ ٹی ٹی پی فتنہ الخوارج افغانستان میں موجود امریکی ہتھیاروں سے پاکستان میں مسلسل دہشتگردی کررہا ہے۔

ٹی ٹی پی فتنہ الخوارج جدید ہتھیاروں سے پاکستانی سیکیورٹی فورسز اور شہریوں پر حملےکر رہی ہے. جریدے کا کہنا ہے کہ ٹی ٹی پی فتنہ الخوارج نے خیبرپختونخوا میں دہشتگرد کارروائیاں اور پر تشدد حملے کئے۔

افغانستان میں موجود امریکی ہتھیاروں کی مالیت 7 ارب ڈالر سے زائد ہے. جدید امریکی فوجی ہتھیار جن میں ایم فور، رائفلیں، نائٹ ویژن سائٹس اور سازو سامان افغانی دہشتگردوں کی دسترس میں ہے۔امریکی ہتھیار افغانستان کی بلیک مارکیٹ میں دہشتگرد نیٹ ورکس کو کھلے عام فروخت کیے جا رہے ہیں۔

 پاکستان بارہا شواہد کیساتھ ثابت کرچکا ہےکہ دہشت گرد افغانستان میں موجود امریکی ہتھیاروں سے حملہ آور ہیں۔

پاکستان میں کالعدم تحریک طالبان پاکستان (ٹی ٹی پی) سے تعلق رکھنے والے عسکریت پسندوں کے لیے فوج اور سیکیورٹی فورسز اکثر اصطلاح "خوارج" استعمال کرتی ہیں۔ اس اصطلاح کا مقصد ملک میں دہشت گردی اور انتہا پسندی کے گروہوں کو نشانہ بنانا اور ان کے تشدد پر توجہ مرکوز کرنا ہے۔