پاک بھارت جنگ: تاریخ میں پہلی بار گولڈن ٹیمپل میں بلیک آؤٹ

امرتسر (ڈیلی اردو رپورٹ) بھارت کے سکھوں کے مقدس مقام گولڈن ٹیمپل (در بار صاحب) میں تاریخ میں پہلی مرتبہ مکمل بلیک آؤٹ کی خبر سامنے آئی ہے، جس نے سکھ برادری اور سیاسی حلقوں میں تشویش پیدا کر دی ہے۔

مقامی ذرائع کے مطابق گولڈن ٹیمپل، جو ہر وقت روشن رہتا ہے، اچانک تاریکی میں ڈوب گیا۔ یہ واقعہ نہ صرف غیر معمولی ہے بلکہ اس کے سیاسی اور مذہبی اثرات پر بھی سوالات اٹھ رہے ہیں۔

ذرائع کا کہنا ہے کہ یہ بلیک آؤٹ سیکیورٹی وجوہات کی بنا پر کیا گیا، اور ممکنہ طور پر پاکستانی حملے یا ڈرون سرگرمی کے خدشے کے پیش نظر بجلی منقطع کی گئی۔

واضح رہے کہ گولڈن ٹیمپل میں بلیک آؤٹ جیسے واقعات نایاب ہیں، اور عام طور پر انتہائی حساس صورتحال میں ہی کیے جاتے ہیں۔