پاک فضائیہ کا تربیتی طیارہ مستونگ میں گرکرتباہ، پائلٹ طاہر شہید

مستونگ (نمائندہ ڈیلی اردو) پاک فضائیہ کا تربیتی طیارہ مستونگ میں گرکر تباہ ہوگیا جس کے نتیجے میں طیارے کا پائلٹ شہید ہوگیا۔
تفصیلات کے مطابق پاک فضائیہ ایف سیون پی جی کا تربیتی طیارہ معمول کے مطابق پرواز پر تھا کہ تیکنیکی خرابی کے باعث مستونگ کے نواحی علاقہ کھڈکوچہ میں آ بادی کے قریب میدان میں گرکر تباہ ہوگیا اور اس دوران طیارہ میں آگ لگ گئی جبکہ تربیتی طیارہ کے پائلٹ لیفٹینینٹ طاہر کی پیراشوٹ نہ کھلنے کی وجہ سے شہید ہوگئے۔

اطلاع ملتے ہی ڈپٹی کمشنر مستونگ ممتاز کیھتران اور سکیورٹی فورسز کے بھاری نفری جائے وقوعہ پر پہنچ کر تحقیقات شروع کی اور شہید پائلٹ کی جسد خاکی کو کوئٹہ روانہ کردی گئی