پاکستان نے مزید 2 بھارتی جاسوس کا سراغ لگا لیا

اسلام آباد (مانیٹرنگ ڈیسک) پاکستان نے دہشتگردی میں ملوث بھارت کے مزید 2 جاسوسوں کا سراغ لگا لیا۔ ذرائع وزارت داخلہ کے مطابق دونوں بھارتی جاسوس 13 جولائی کو مستونگ میں دہشتگردی کے حملے کرکے افغانستان فرار ہوگئے تھے۔

ذرائع وزارت داخلہ کا کہنا ہے کہ بھارتی جاسوس سوامی آسیم آنند اور گوبند ایران سے بلوچستان آئے، بھارتی جاسوس 13 جولائی مستونگ دہشتگردی حملے میں ملوث ہیں، جو دہشتگردی کی واردات کے بعد افغانستان فرار ہوگئے، پاکستان نے بھارتی جاسوسوں کی شناخت کیلئے افغانستان اور ایران کو خطوط لکھ دیے ہیں۔

اس سے قبل پاکستان نے 2016 میں بلوچستان سے بھارتی بحریہ کے حاضر سروس نیوی کمانڈر کلبھوشن جادھو کو حراست میں لیا تھا۔