پشاور میں بکتربند گاڑی پر دہشت گرد کی لاش باندھ کر شہر میں گھمانے کی ویڈیو وائرل

پشاور (مانیٹرنگ ڈیسک) صوبہ خیبر پختونخوا کے صوبائی دارالحکومت پشاور میں بکتر بند گاڑی پر دہشت گرد کی لاش کو رسی سے باندھ کر شہر میں گھمانے کی ویڈیو سوشل میڈیا پر وائرل ہوگئی۔

Pakistani police are parading the dead body of an alleged militant killed in an encounter in the Peshawar outskirts Matani area. This shows the Pakistani police's frustration due to the intense attacks by the militants. However, such actions further help militant recruitment. https://t.co/vK16jhi2wi

— Abd. Sayed ترمذی سادات (@abdsayedd) June 10, 2023

پشاور کے نواحی علاقے متنی میں پولیس اور سی ٹی ڈی نے 6 اپریل کو ایک مشترکہ آپریشن کے دوران مطلوب دہشت گرد کو ہلاک کیا، جس کی لاش بعد ازاں بکتر بند کے آگے رسیوں سے باندھ کر شہر میں گھمائی گئی۔

This used to happen in Afghanistan during the previous regime. They used to treat dead bodies of Taliban fighters like this. Seeing this for the first time in Pakistan. https://t.co/ouVW8Xhlng

— FJ (@Natsecjeff) June 10, 2023

دہشت گرد کی شناخت عظمت عرف ملنگ کے نام سے ہوئی تھی، جس کا تعلق شینا گروپ سے بتایا جاتا ہے۔ دہشت گرد کی لاش کو بکتر بند گاڑی پر رسی سے باندھ کر شہر میں گھمایا گیا۔ واقعے کی ویڈیو سوشل میڈیا پر وائرل ہوئی، جس میں دیکھا جا سکتا ہے کہ دہشت گرد کی لاش کو رسیوں سے باندھ کر انڈس ہائی وے پر گھما کر تھانے لایا گیا۔

اس دوران پولیس افسران دہشت گرد کی لاش کے ساتھ سیلفیاں بھی بناتے رہے جب کہ ایک ٹک ٹاک ویڈیو بھی منظر عام پر آگئی۔

واقعے کے بعد اعلیٰ پولیس حکام نے ویڈیو وائرل ہونے کا نوٹس لیتے ہوئے سی سی پی او پشاور کو تحقیقات کا حکم دیا، جس پر سی سی پی او سید اشفاق انور نے ایس پی صدر سرکل ملک حبیب کی نگرانی میں انکوائری کمیٹی تشکیل دے کر جلد رپورٹ مرتب کرنے کے احکامات جاری کردیے ہیں۔