پشاور میں سابق ایڈیشنل انسپکٹر جنرل کے گھر پر دہشت گردوں کی فائرنگ

اسلام آباد (ش ح ط) صوبہ خیبر پختونخوا کے صوبائی حکومت پشاور میں سابق ایڈیشنل انسپکٹر جنرل صادق کمال اورکزئی کے گھر پر نامعلوم مسلح افراد نے فائرنگ کی تاہم وہ اس واقعے میں محفوظ رہے ہیں۔

#Pakistan: Suspected TTP militants opened fire at the house of former Additional Inspector General Sadiq Kamal in the University Town area of Peshawar. No casualties occurred. https://t.co/LR939CGNUV

— ???? (@cozyduke_apt29) June 23, 2023

پولیس کے مطابق یہ واقعہ جمعہ کی شب پشاور کے علاقے یونیورسٹی ٹاؤن میں ٹاؤن پولیس سٹیشن کی حدود میں پیش آیا۔

یونیورسٹی ٹاؤن پولیس سٹیشن کے ایک اہلکار نے ڈیلی اردو کو بتایا کہ نامعلوم نقاب پوش ویگو گاڑی سے اتر کر کلاشنکوف سے سابق ایڈیشنل انسپکٹر جنرل صادق کمال اورکزئی کے گھر پر فائرنگ کی اور ملزمان واردت کے بعد فرار ہونے میں کامیاب ہوگئے۔

پولیس اہلکار کا مزید کہنا تھا کہ اس واقعے کے بعد یونیورسٹی ٹاؤن اور آس پاس کے علاقوں میں بڑے پیمانے پر سرچ آپریشن کا آغاز کردیا گیا ہے اور چند مشتبہ افراد کو بھی حراست میں لیا گیا ہے جن سے تفتیش کی جارہی ہے۔

ذرائع کے مطابق دہشت گردوں کا تعلق ٹی ٹی پی مہمند گروپ سے بتایا جاتا ہے۔