پشاور میں سِکھ نیوز کاسٹر کا بھائی نامعلوم افراد کے ہاتھوں بے دردی سے قتل

پشاور (ڈیلی اردو) خیبر پختونخوا کے صوبائی دارالحکومت پشاور میں نامعلوم افراد نے پاکستان کے پہلے سکھ نیوز کاسٹر ہرمیت سنگھ کے بھائی کو فائرنگ کرکے قتل کردیا۔ مقتول رویندر سنگھ کی اگلے چند روز میں شادی ہونے والی تھی جو شاپنگ کے سلسلہ میں ضلع شانگلہ سے پشاور آیا تھا، نامعلوم ملزمان نے مقتول کے بھائی کو فون کرکے اطلاع بھی دی کہ آپ کے بھائی کو قتل کرکے نعش چمکنی میں پھینک دی ہے۔

پاکستان میں اقلیتوں کے تحفظ کی بات کرنے والے صحافی ہرمیت سنگھ کا بھائی پشاور میں قتل

— Mudassir hussain (@MudassirSayyed) January 5, 2020

پولیس کے مطابق تویندر سنگھ ولد اتم رام سنگھ سکنہ چکسیر شانگلہ نے تھانہ چمکنی پولیس کو رپورٹ درج کراتے ہوئے بتایا کہ کل رات اُس کو رویندر سنگھ کے موبائل فون سے کال موصول ہوئی، دوسری جانب ایک نامعلوم شخص نے بتایا کہ آپ کے بھائی رویندر کو قتل کرکے اُس کی نعش تھانہ چمکنی کی حدود میں پھینک دی ہے۔

پبلک نیوز کے رپورٹر ہرمیت سنگھ کے بھائی پشاور میں قتل ۔ 25 سالہ رویندر سنگھ کی چند روز بعد شادی تھی ۔ رات گئے نامعلوم افراد نے مقتول کے موبائل سے ہرمیت سنگھ کو کال کر کے بتایا کہ آپ کے بھائی کو قتل کردیا ۔ pic.twitter.com/SFPGgBX1wn

— Nausheen Yusuf (@nausheenyusuf) January 5, 2020

پولیس کے مطابق پشاور کے تھانہ چمکنی کی حدود سے ایک شخص کی گولیوں سے چھلنی لاش برآمد ہوئی ہے۔ جس کی شناخت رویندرا سنگھ کے نام سے ہوئی ہے۔ لاش کو پوسٹ مارٹم کے لیے قریبی ہسپتال منتقل کردیا گیا ہے۔

انسانی حقوق کے علمبردار کل دیپ اور پبلک نیوز کے رپوٹر ہرمیت سنگھ کے چھوٹے بھائی رویندر سنگھ کو پشاور میں قتل کردیا گیا https://t.co/yOhkDs7CeK

— Haider Javed Syed (@HaiderJavedSyed) January 5, 2020

پولیس کا کہنا ہے کہ مقتول رویندر سنگھ ملیشیاء میں کاروبار کرتا تھا جو حال ہی میں وطن واپس آیا تھا جس کی اگلے ہفتے شادی ہونے والی تھی اور وہ شاپنگ کے سلسلہ میں پشاور آیا تھا جبکہ مقتول کی پشاور آمد کا بھی صرف مخصوص افراد کو علم تھا۔

پولیس نے پوسٹ مارٹم کے بعد نعش ورثاء کے حوالے کردی اور جائے وقوعہ سے شواہد اکٹھے کرکے نامعلوم ملزمان کے خلاف مقدمہ درج کرلیا۔

ایس ایس پی آپریشنز کی کے ایم سی آمد، مقتول رویندر سنگھ کے پوسٹ مارٹم اور لاش کا معائنہ کیا اور لواحقین سے بھی بات چیت کی۔
پولیس نے جامع تفتیش کا آغاز کر دیا ہے اور ملوث ملزمان کو جلد گرفتار کر لیا جائے گا
ایس ایس پی آپریشنز پشاور pic.twitter.com/6liYdG9cjP

— Capital City Police Peshawar (@PeshawarCCPO) January 5, 2020

دوسری جانب ایس ایس پی آپریشنز ظہور بابر آفریدی نے خیبر میڈیکل کالج میں نعش کی پوسٹ مارٹم کے دوران مقتول کے ورثاء کو یقین دہانی کرائی کہ مختلف زاویوں سے تفتیش کا آغاز کردیا گیا ہے اور بہت جلد ملوث ملزمان کو ٹریس کرلیا جائے گا۔

ابھی تک کسی نے سکھ نوجوان قتل کرنے کی ذمہ داری قبول نہیں کی جبکہ اہل خانہ کی جانب سے بھی فوری طور پر کسی پر شک ظاہر نہیں کیا گیا۔

سکھ برادری سے تعلق رکھنے والے افراد مقتول رویندر سنگھ کی لاش پوسٹ مارٹم کے بعد پشاور پریس کلب لائے اور ایک مختصر مظاہرہ کیا۔ جس کے بعد میں انہوں نے لاش کو مقتول کے آبائی ضلعے شانگلہ روانہ کر دیا۔

دوسری جانب بھارت کی وزارت خارجہ نے پشاور میں سکھ نوجوان کے قتل کی شدید مذمت کی ہے۔

MEA: India strongly condemns targeted killing of minority Sikh community member in Peshawar (Pakistan) that follows recent despicable vandalism & desecration of Gurdwara Sri Janam Asthan at Nankana Sahib & unresolved case of abduction,forced conversion&marriage of a Sikh girl pic.twitter.com/VlPjlizqDA

— ANI (@ANI) January 5, 2020

وزارت خارجہ کے بیان کے مطابق بھارت پاکستان کے شہر پشاور میں سکھ اقلیت سے تعلق رکھنے والے نوجوان کے قتل کی شدید مذمت کرتا ہے۔