پشاور میں نامعلوم افراد نے ائیر فورس کے اہلکار کو ذبح کر دیا

اسلام آباد (ش ح ط) صوبہ خیبر پختونخوا کے صوبائی حکومت پشاور کے علاقے کے شاہ پور سے حساس ادارے کے اہلکار کی تشدد زدہ لاش ملی ہے۔

پشاور کے علاقے شاہ پور میں پاکستان ایئر فورس کے اہلکار عنایت اللہ کو تشدد کے بعد ذبح کردیا گیا، پولیس کے مطابق اہلکار کو بہیمانہ تشدد کا نشانہ بنانے کے بعد سینے پر خنجر کے وار کئے گئے۔#PAF #Peshawar #Pakistan

— Shabbir Hussain Turi (@ShabbirTuri) May 22, 2023

پشاور میں حکام کا کہنا ہے کہ انہیں یہ سرکٹی لاش شاہ پور میں پیر کی صبح ایک ویرانے سے ملی ہے۔ نامعلوم افراد نے اس شخص کو ذبح کر کے اس کا سر تن سے جدہ کردیا ہے۔

پشاور پولیس کے مطابق پاکستان ائیر فورس کے اہلکار عنایت اللہ کو بہیمانہ تشدد کا نشانہ بنانے کے بعد سینے پر خنجر کے متعدد وار کئے گئے۔

واقعے کی اطلاع ملتے ہی پولیس اور حساس اداروں کی ٹیمیں جائے وقوعہ پر پہنچی اور شواہد اکٹھے کرکے تحقیقات شروع کردی گئی ہے۔

اس سے قبل آج بھی پشاور کے مختلف مقامات سے 3 افراد کی تشدد زدہ لاشیں برآمد ہوئیں ہیں۔