پشاور میں گاڑی پر فائرنگ، محکمہ سوشل ویلفیئر کے سینیئر پلاننگ آفیسر ہلاک

پشاور (نمائندہ ڈیلی اردو) صوبہ خیبر پختونخوا کے صوبائی دارالحکومت پشاور میں نامعلوم مسلح افراد کی فائرنگ سے محکمہ سوشل ویلفیئر کے سینیئر پلاننگ آفیسر ہلاک ہوگیا۔

پولیس کے مطابق پشاور کے علاقے گلبہار میں نامعلوم مسلح افراد کی فائرنگ سے محکمہ سوشل ویلفیئر آفیسر ہمایوں خان ہلاک ہوگیا۔

پولیس نے بتایا کہ محکمہ سوشل ویلفیئر کے سینیئر پلاننگ آفیسر سرکاری گاڑی میں دفتر جا رہے تھے کہ نامعلوم موٹرسائیکل سواروں نے گاڑی پر فائرنگ کردی۔

پولیس کے مطابق گاڑی پر فائرنگ کے باعث پلاننگ آفیسر ہمایوں خان موقع پر ہی ہلاک ہوگئے، جبکہ ڈرائیور محفوظ رہا۔ فائرنگ کے بعد حملہ آور فرار ہونے میں کامیاب ہوگئے تاہم ملزمان کی تلاش جاری ہے۔