پشاور: کالعدم ٹی ٹی پی کے سہولت کار کی درخواست ضمانت خارج

پشاور (ڈیلی اردو) انسداد دہشتگردی کی خصوصی عدالت نے کالعدم تحریک طالبان پاکستان (ٹی ٹی پی) کے مبینہ سہولت کار عارف اللہ کی درخواست ضمانت خارج کرتے ہوئے اسے جیل میں رکھنے کا حکم دے دیا۔

عدالت کے جج محمد اقبال خان نے ملزم کی درخواست ضمانت پر سماعت کی۔ پراسیکیوشن کے مطابق عارف اللہ کو مہمند سی ٹی ڈی کے اہلکاروں نے تھانہ پنڈیالی کے حدود میں شیش محل کے پہاڑ کے قریب حراست میں لیا تھا، جہاں سے اس کے قبضے سے بارودی مواد اور دیگر آلات برآمد ہوئے۔

تحقیقات کے دوران ملزم نے اعتراف کیا کہ وہ اپنے رشتہ دار شاہ نواز کو سہولت فراہم کر رہا تھا، جو کہ پراسیکیوشن کے مطابق کالعدم ٹی ٹی پی کا کمانڈر ہے۔

عدالت نے دلائل مکمل ہونے کے بعد ملزم کی درخواست ضمانت مسترد کردی۔