پشاور کے علاقے بڈھ بیر میں پولیس موبائل کے قریب دھماکا

پشاور (نمائندہ ڈیلی اردو) صوبہ خیبر پختونخوا کے صوبائی دارالحکومت پشاور میں تھانہ بڈھ بیر کی حدود میں پولیس کی گاڑی کے قریب دھماکا ہوا ہے۔

پشاور کے علاقے بڈھ بیر میں شیخان روڈ پر پولیس گاڑی کے قریب دھماکا، پولیس اہلکار واقعے میں محفوظ رہے، تاہم گاڑی کو معمولی نقصان پہنچا۔ پولیس نے علاقے میں آپریشن شروع کر دیا۔#Peshawar #Pakistan

— Shabbir Hussain Turi (@ShabbirTuri) January 22, 2023

پولیس کے مطابق تھانہ بڈھ بیر کی حدود میں انچارج شیخان پولیس چوکی ناصر خان کی گاڑی کے قریب ریموٹ کنٹرول ڈیوائس کی مدد سے دھماکا کیا گیا۔

پولیس کے مطابق بارودی مواد پینٹ کے ڈبے میں رکھا گیا تھا، دھماکے سے پولیس کی گاڑی کو نقصان پہنچا تاہم جانی نقصان نہیں ہوا۔

پولیس کی بھاری نفری موقع پر پہنچ گئی، علاقے میں سرچ آپریشن شروع کردیا۔

دوسری جانب کالعدم تحریک طالبان پاکستان نے بڈھ بیر میں پولیس گاڑی پر حملے کی ذمہ داری قبول کرلی۔

https://twitter.com/ShabbirTuri/status/1617087904974786560?t=Aqt4a-AvoXIQEtH3I4OeDA&s=19