پنجاب: اوکاڑہ میں سی ٹی ڈی کارروائی، ٹی ٹی پی کا دہشت گرد گرفتار

لاہور (ڈیلی اردو) پاکستان کے صوبہ پنجاب کے ضلع اوکاڑہ میں فیصل آباد روڈ پر سی ٹی ڈی ساہیوال اور ایلیٹ فورس نے مشترکہ کارروائی کرتے ہوئے کالعدم تنظیم تحریک طالبان پاکستان سے تعلق رکھنے والے دہشت گرد کو گرفتار کر لیا۔

سی ٹی ڈی حکام کے مطابق گرفتار ملزم کے قبضے سے دیسی ساختہ دھماکہ خیز مواد، آئی ای ڈی (IED) ڈیوائس، الیکٹرک سرکٹ، تاریں، الیکٹرک ڈیٹونیٹر اور بیٹری برآمد کی گئی ہے۔

گرفتار دہشتگرد کی شناخت رحمت اللہ ولد کریم اللہ کے نام سے ہوئی ہے، جو یوسفزئی پٹھان ڈھیری بالا و مگھر، تحصیل کبل، ضلع سوات کا رہائشی بتایا جاتا ہے۔

حکام کے مطابق ملزم سے مزید تفتیش جاری ہے جبکہ ممکنہ سہولت کاروں کی تلاش کے لیے کارروائیاں تیز کر دی گئی ہیں۔