پنجاب میں سی ٹی ڈی کی کارروائیاں، 12 مبینہ دہشت گرد گرفتار، دھماکہ خیز مواد اور اسلحہ برآمد

لاہور (نمائندہ ڈیلی اردو) پنجاب بھر میں کاؤنٹر ٹیررازم ڈیپارٹمنٹ (سی ٹی ڈی) نے انٹیلی جنس بیسڈ آپریشنز کے دوران 12 دہشت گردوں کو گرفتار کرلیا۔

سی ٹی ڈی ترجمان کے مطابق لاہور سمیت مختلف اضلاع میں دہشت گردوں کے خلاف کاروائیوں میں کالعدم تنظیم سے تعلق رکھنے والوں میں گرفتار دہشت گردوں میں محمد عارف، ذاکر اللہ، خرم علی، اویس خان، اکمل شہباز ،جنت خان، جلات خان، عرفان خان، جاوید خان، بصیر خان ولد دلبر خان، آدم خان اور ذاہد خان شامل ہیں۔

لاہور سمیت پنجاب بھر میں سی ٹی ڈی نے انٹیلیجنس بیسڈ آپریشنز کے دوران 12 مبینہ دہشت گردوں کو گرفتار کر لیا۔ دہشت گردوں سے دھماکہ خیز مواد، الیکٹریک سوئچ، ڈیٹونیٹر سیفٹی فیوز، اسلحہ اور ممنوعہ لٹریچر برآمد ہوا، دہشت گردوں کو نامعلوم مقام پر منتقل کردیا گیا۔#CTD #Punjab #Pakistan

— Shabbir Hussain Turi (@ShabbirTuri) December 17, 2022

سی ٹی ڈی ترجمان کے مطابق مبینہ دہشت گردوں سے دھماکہ خیز مواد، الیکٹریک سوئچ، ڈیٹونیٹر سیفٹی فیوز، اسلحہ اور ممنوعہ لٹریچر بھی برآمد کیا گیا، مبینہ دہشت گردوں کے خلاف سی ٹی ڈی نے لاہور سمیت دیگر اضلاع میں 8 مقدمات کا اندراج کر لیا ہے۔ گرفتار دہشت گردوں کو نامعلوم مقام پر منتقل کر دیا گیا ہے۔

ترجمان اے ٹی ڈی نے مزید بتایا کہ گرفتاریاں راولپنڈی، شیخوپورہ، فیصل آباد، ساہیوال سے عمل لائی گئی ہیں، اور اس دوران 38 آپریشنز کے دوران 42 مشتبہ افراد سے پوچھ گچھ کی گئی۔

سی ٹی ڈی ترجمان کے مطابق ایک ہفتے کے دوران انٹیلی جینس بیسڈ 373 آپریشنز کیے گئے، کومبنگ آپریشنز کے دوران 17,001 افراد کو چیک کیا گیا، جن میں سے 58 مشتبہ افراد کو گرفتار کیا گیا اور 54 ایف آئی آر درج کی گئی ہیں۔