پنجاب میں سی ٹی ڈی کی کارروائیاں، داعش کے دو کمانڈروں سمیت 7 ‘دہشت گرد’ گرفتار

لاہور (بیورو رپورٹ) کاؤنٹر ٹیررازم ڈپارٹمنٹ (سی ٹی ڈی) نے کالعدم تنظیم داعش کے 2 اہم کمانڈرز سمیت 7 دہشت گرد گرفتار کر لیے۔

کاؤنٹر ٹیررازم ڈپارٹمنٹ نے پنجاب کے ضلع گوجرانوالہ میں انٹیلی جنس بیسڈ آپریشن کے دوران داعش کے 2 اہم کمانڈر شاہد اور سیف کو گرفتار کرلیا۔ ترجمان سی ٹی ڈی کے مطابق دہشت گردوں سے بارودی مواد، ڈیٹونیٹرز اور دیگر سامان برآمد ہوا ہے۔#ISSP #ISPK #Daesh #IslamicState #Pakistan

— Shabbir Hussain Turi (@ShabbirTuri) September 4, 2023

تفصیلات کے مطابق سی ٹی ڈی نے صوبہ پنجاب کے اضلاع گوجرانوالہ، سرگودھا، فیصل آباد اور بہاولپور میں کارروائیاں کرتے ہوئے انٹیلیجنس بیسڈ آپریشن کے دوران 7 دہشت گرد گرفتار کر لیے۔

سی ٹی ڈی حکام کے مطابق گوجرانوالہ سے داعش کے 2 اہم کمانڈر شاہد اور سیف گرفتار کیے گئے، دہشت گردوں سے بارودی مواد، ہینڈ گرینڈ، ڈیٹو نیٹر، اور دیگر اسلحہ برآمد ہوا، دہشت گردوں کے خلاف مقدمات درج کر کے تفتیش کی جا رہی ہے۔

ترجمان سی ٹی ڈی کے مطابق دیگر پانچ دہشت گردوں کی شناخت فیاض، ملازم، شاہد، سیف، رفیع ، عربی اور قاری اطہر کے نام سے ہوئی ہے۔

ترجمان سی ٹی ڈی کا کہنا ہے کہ دہشت گردوں کے خلاف مقدمات درج کرکے مزید تفتیش جاری ہے۔

سی ٹی ڈی حکام کا کہنا ہے کہ رواں ہفتے 240 کومبنگ آپریشنز کے دوران 65 مشتبہ افراد گرفتار کیے گئے، جب کہ کومبنگ آپریشنز میں 12 ہزار 230 افراد سے پوچھ کچھ کی گئی۔