21/January/2023

پنجاب میں سی ٹی ڈی کی کارروائیاں، کالعدم ٹی ٹی پی اور سپاہ صحابہ کے 5 دہشت گرد گرفتار

👁️ 45 بار دیکھا گیا

ایڈمن
امریکا
پنجاب میں سی ٹی ڈی کی کارروائیاں، کالعدم ٹی ٹی پی اور سپاہ صحابہ کے 5 دہشت گرد گرفتار

پنجاب میں سی ٹی ڈی کی کارروائیاں، کالعدم ٹی ٹی پی اور سپاہ صحابہ کے 5 دہشت گرد گرفتار

لاہور (بیورو رپورٹ) کاؤنٹر ٹررزم ڈپارٹمنٹ (سی ٹی ڈی) پنجاب نے مختلف شہروں میں کارروائیوں کے دوران کالعدم تنظیموں سے تعلق رکھنے والے 5 مبینہ دہشت گردوں کو گرفتار کرلیا ہے۔

حکام کا کہنا ہے کہ دہشت گردوں کی گرفتاری لاہور، بہاولپور اور شیخوپورہ میں خفیہ آپریشن کے دوران عمل میں لائی گئی۔

لاہور سے گرفتار دہشت گرد کی شناخت محمود موسی کے نام سے ہوئی جس کا تعلق کالعدم تحریک طالبان پاکستان (ٹی ٹی پی) سے بتایا جاتا ہے۔

دیگر گرفتار دہشت گردوں میں عبدالحنان، رحمت علی، معاویہ اور محمد عربی شامل ہیں۔ ترجمان کے مطابق گرفتار چار دہشت گردوں کا تعلق کالعدم سپاہ صحابہ سے ہے۔

سی ٹی ڈی نے دعویٰ کیا کہ دہشت گرد پنجاب میں بڑے پیمانے پر دہشت گردی کا منصوبہ بناچکے تھے، دہشت گردوں کو لاہور، بہاولپور اور شیخوپورہ سے خفیہ آپریشن کے دوران گرفتار کیا گیا۔

ملزمان کے خلاف 4 مقدمات درج کرکے تفتیش کے لئے نامعلوم مقام پر منتقل کردیا گیا ہے۔

سی ٹی ڈی کے مطابق رواں ہفتے 458 کومبنگ آپریشن کرکے 97 مشتبہ افراد کو گرفتار کیا گیا جن کے خلاف 52 مقدمات درج کئے گئے ہیں۔

خیال رہے کہ سی ٹی ڈی پنجاب نے گزشتہ روز بھی کالعدم تنظیم سے تعلق رکھنے والے 8 مبینہ دہشت گردوں کو گرفتار کیا تھا۔

شیئر کریں:

متعلقہ خبریں

خبر
سیاست

قومی اسمبلی میں اہم بل کی منظوری

1 گھنٹہ پہلے تفصیل
خبر
سیاست

وزیر خارجہ کا اہم بیان

2 گھنٹے پہلے تفصیل

موسمی حالات

کراچی

32°C

لاہور

28°C