پولینڈ میں دھماکا، عمارت تباہ، کئی فراد ملبے تلے دب گئے

وارسا (ڈیلی اردو) پولینڈ کے صوبے سلیسیا میں گیس دھماکہ ہونے کی وجہ سے ایک عمارت منہدم ہونے سے کم از کم آٹھ افراد ملبے میں دب گئے۔

آر ایم ایف ایف ایم براڈکاسٹر نے بتایا کہ اس عمارت میں نو افراد رہتے تھے لیکن دھماکے کے وقت ان میں سے ایک شخص باہر تھا۔ اس نے بتایا کہ عمارت میں موجود تمام آٹھ لوگ ملبے میں دبے ہوئے ہیں۔

فائر بریگیڈ کے تقریباً 100 اہلکاروں کو لوگوں کی تلاش میں لگایا گیا ہے۔ ملازمین لوگوں کو نکالنے کے لئے مشینوں کا استعمال نہیں کررہے ہیں تاکہ انہیں زندہ باہر نکالا جاسکے۔

ملبے میں دبے لوگوں کی تلاش میں ڈاگ اسکواڈ کو بھی لگایا گیا ہے۔ ریسکیو اور بچاؤ اہلکار آگ بجھانے کے کام میں لگے ہیں۔