پی ایس ایل سیزن فور کا پہلا میچ اسلام آباد یونائیٹڈ اور لاہور قلندرز کے درمیان کھیلا جائے گا

دبئی (ڈیلی اردو) پاکستان سپر لیگ (پی ایس ایل) سیزن فور کا ہنگامہ خیز ایونٹ جمعرات سے شروع ہو گا جس کے افتتاحی میچ دفاعی چیمپئن اسلام آباد یونائیٹڈ اور لاہور قلندرز کے درمیان کھیلا جائے گا۔

تفصیلات کے مطابق انتظار کی گھڑیاں ختم ہونے کو ہیں کیونکہ پی ایس ایل کا سیزن فور شروع ہونے میں محض ایک دن ہی باقی رہ گیا ہے جس میں 2 بار کی چیمپئن اسلام آباد یونائیٹڈ اپنے اعزاز کا دفاع کرے گی اور افتتاح میچ ہی اسلام آباد یونائیٹڈ اور لاہور قلندرز کے درمیان کھیلا جائے گا۔

گزشتہ سیزن میں آخری نمبر پر آنے والے قلندرز ماضی اور ماحول بدلنے کیلئے پرجوش ہیں اور فاتحانہ آغاز پر نظریں جمائے بیٹھیں ہیں۔ یہ میچ پاکستانی وقت کے مطابق رات 10 بج کر 45 منٹ پر شروع ہو گا۔

پی ایس ایل سیزن فور 32 جاری رہے گا جس دوران 6 ٹیموں کے درمیان 34 میچ کھیلے جائیں گے جبکہ اس دفعہ پہلی مرتبہ شارجہ کے میدان میں بھی رونق لگے گی اور چھکوں، چوکوں کی برسات ہو گی۔