چارسدہ میں خانمائی پولیس اسٹیشن پر دستی بم سے حملہ، ایک اہلکار ہلاک

اسلام آباد (ش ح ط) صوبہ خیبر پختونخوا کے ضلع چارسدہ میں پولیس تھانے پر شدت پسندوں کے حملے میں ایک اہلکار ہلاک ہوگیا۔

https://twitter.com/ShabbirTuri/status/1566833338966364162?t=t-lcv2tklFIOpgitZL1Nrw&s=19

چارسدہ میں مقامی پولیس کا کہنا ہے کہ خانمائی پولیس اسٹیشن پر پیر کی رات نامعلوم شدت پسندوں نے دستی بم سے حملہ کیا۔

خیبر پختونخوا پولیس کے ایک اہلکار نے ڈیلی اردو کو بتایا کہ اس حملے میں ایک پولیس اہلکار ہلاک ہوا اور پولیس نے جوابی کارروائی کی تو حملہ آور فرار ہو گئے۔

ہلاک ہونے والے اہلکار کی شناخت کانسٹیبل میر عالم کے نام سے ہوئی ہے۔

واقعے کے فورا بعد اعلیٰ پولیس اہلکار وہاں پہنچ گئے اور تحقیقات شروع کر دی گئیں۔